Zahvaljujući brzoj reakciji članova organizacije Župa u srcu, njihovih kolega iz Centra za proučavanje ptica i Mihaila Jovićevića povrijeđeni suri orao, koji je spas pronašao u Župi jutros je uhvaćen i ponesen u Podgoricu na liječenje i rehabilitaciju.

Ova vrsta orla je dužine između 65 i 100cm sa rasponom krila do 240cm. Suri orlovi su ranije živjeli u umjerenim klimatima Evrope. Danas je zbog ugroženosti njihovo stanište znatno smanjeno. U Velikoj Britaniji ih ima oko 240 parova, u Irskoj su zbog lova potpuno istrijebljeni, a u Sjevernoj Americi je njihov broj takođe značajno smanjen. Ova životinjska vrsta se nalazi na crvenoj listi ugroženih životinja Svijeta i Evrope.

Detaljnije o njegovom liječenju i vraćanju u prirodu ćemo podijeliti sa vama.