Danas je uspješno završena zajednička  sabirna akcija MZ Župa, Crvenog krsta Nikšić i OŠ “Dušan Bojović”.

Kako je saopštio predsjednik MZ Župa Dragoljub Radulović prikupljene su, kao nikad do sada, značajne količine osnovnih životnih namirnica, brašna, ulja, šećera, domaćih proizvoda, ali i odjeće i igračaki. Masovnošću je jasno potvrđena humana strana mještana Župe. Učešće u ovoj akciji uzeli su i Uniprom metali, Naše voće, Monteklas i market MSD koji su svojim donacijama pomogli da ova akcija bude uspješna. Posebna zahvalnost ide djeci iz ove škole i njihovim roditeljima koji su pomogli ovu sabirnu akciju.

Predstavnici Crvenog krsta su danas preuzeli svu prikupljeni hranu i ujedno izrazili veliku zahvalnost na dobroj saradnji sa našim mjestom koja rezultira ovako uspješnim akcijama koje će bar malo pomoći socijalno ugroženom stanovništvu.